Wednesday, December 10, 2008

KULATADO!

Kulatado!

Mao kani ang tukmang pulong para kang Oscar "Golden Boy" Dela Hoya sa niaging pagsangka nila ni Manny "Pacman" Pacquiao didto sa MGM sa Las Vegas. Daghan nag-ingon sa sinugdanan na ang ilang pagkita sa boxing ring usa ka dakong mismatch. Ang kadaghanan nagtoo nga dehado gayod si Pacman kontra kang Golden Boy, ilabina kung ang timbang, ang katas-on kung height, ug ang kalayo sa maabot sa kumo ni Golden Boy kung reach ang istroyahan. Daw murag si David ug si Goliath ang nahitabong drama niadtong panahona, Domingo dinhe sa Pilipinas.

Apan tungod intawn sa sa kadako ni Golden Boy, maong wa gayud nisipyat ang mga gibuhiang kumo ni Pacman. ("He's so big, I could not miss him!") Ang pagkagamatitoy ni Pacman mao pud hinuon ang iyang nahimong lusot na makalikay sya sa mga sumbag ni Golden Boy na kadugayan wa nay direksyon ug sa hantod na, wa na gyud nabuhii - wa nay kumo nga natubag si Golden Boy batok sa mga kumo ni Pacman nga nagpusot-pusot.

Intawon kalouy na man lang ni Golden Boy. Daw gidula-dulaan, ug gisayaw-sayawan ni Manny. Pero matod pa ni Pacman, iya lang gihimo iyang trabaho. Dili sya gustong shortchanged ang paminaw sa iyang mga sumusonod. Ug kini matuod man, kay gawas sa si Pacman usa gyud ka entertainer na boksingero, naa pud syay giprotektahang pangalan sa larangan sa boksing. Walay personalan, trabaho lang, bai! Ang bag-ong kadaugan ni Manny "Pacman" Pacquiao nagpaila nga sya na ang pinakamaayong boksingero sa kalibutan karon. Tanan mohangad kaniya, apil na si Oscar Dela Hoya ug uban pang boksingero nga ilado sauna, ilado karon, ug kadtong mga boksingero na nagsugod pa lamang ug panday sa ilang pangalan.

Sadya na pud ang mga Pinoy. Sa pipila ka oras, nagmalinawon ang Pilipinas, walay krimeng nahitabo samtang ang Dream Match gipasundayag, matod pa sa kapulisan. Haay, tinood ba kaha kini? Hinaot unta, kay kanindot man pud paminawon. Apan d ba kaha under-reporting ang nahitabo, kay ang mga pulis busy man pud sa pagtutok sa TV adtong mga panahona? Anyway, hehehehehehe... Sige na lang usa kana. Sa sunod na lang ko magyawyaw kabahin niana. Sa pagkakaron, magsadya usa kitang tanan. Magpakahubog kita sa kadaugan ni Manny. Ing-ana man gyud kitang mga Pinoy, malipayon gyud kung ang isigka-Pinoy molampos. Ako karon hubog pa usab sa kadaugan ni Pacman. Sa kanunay, sama nimo. Pinoy gud!

No comments:

Post a Comment

The Crossroads in a Physician's Journey

Replying to one of the emails/comments from one of our readers, Jesselyn, in  The Tipster: The Idiot's Guide to Residency. ******...